18
Desember 2015
Die
Kommissaris
Suid
Afrikaanse Polisiediens
Steynsrus
9515
Geagte
Kaptein
KLAGTE TEEN AO LETSELEHA SAPD
STEYNSRUS
Hiermee
dien ek ‘n klagte van intimidasie, viktimisasie en ‘n poging om my ernstig te
beseer in teen AO Letseleha van die SAPD te Steynsrus.
1.
Op Maandag 14 Desember 2015 om ongeveer 09:15 het ek saam met ‘n getuie Martie
Strydom, ‘n brief wat mnr Owen de Scally geskryf het aan die eienaar van beeste
wat sy eiendom beskadig het, aan daardie eienaar oorhandig. Die brief is buite
die hekke van die polisiestasie van Steynsrus aan die eienaar oorhandig en die
inhoud daarvan is deur middel van ‘n siviele tolk aan die eienaar verduidelik.
Hierdie is ‘n siviele aangeleentheid en het NIKS met die SAPD te doen nie. Die
SAPD is ook nie versoek om betrokke te wees nie!
2.
Op dieselfde dag om ongeveer 12:00 was
ek in die terrein van die munisipale toetsterrein van Steynsrus. Toe ek die
toetsterrein wou verlaat, het daar ‘n polisievoertuig voor die hek van die
toetsterrein die uitgang blokkeer sodat ek nie uit die terrein kon beweeg nie. Die
polisievoertuig het met die voorkant van die voertuig teen die rigting van die
aankomende verkeer gestaan. Daar was egter nog ‘n voertuig agter my wat die
terrein wou verlaat en het die polisie beampte vorentoe gery sodat die voertuie
uit die terrein kon beweeg. Met die uitbeweeg wys die polisiebeampte my dat ek
moet aftrek. Ek het oor die pad gery en op die sypaadjie parkeer. Die
polisievoertuig het ‘n toe ook oor die pad gery en agter my voertuig parkeer.
Ek en my getuie, Martie Strydom, het uitgeklim en ons het na die bestuurskant
van die polisievoertuig gestap.
Voordat
ek kon vra wat is die probleem, het AO Letseleha op my begin skreeu met hierdie
woorde: “jy het daardie vrou se bees gesteel
en ek gee jou 24 uur om daardie bees aan haar te gee of ek arresteer jou.”
Hy het hierdie woorde drie keer herhaal en my nie een keer die kans gegee om te vra wat
is nou eintlik die probleem nie. Ek het opgemerk dat AO Letseleha nie ‘n
naambalkie dra nie. Ek vra toe AO Letseleha kalm en beleefd wat is jou naam?
Hierop het hy heftig gereageer en nog harder op my geskreeu met die woorde: “My naam het niks met jou te doen nie en ek
sê nou vir jou as jy nie binne 24 uur die gesteelde bees aan die vrou gee nie
arresteer ek jou en sluit jou toe”. Hy het nog verder geskreeu: “Jy moet binne 24 uur daardie bees na die
skut vat dan sal ek persoonlik die bees na daardie vrou vat.” Verder skreeu
hy: “As jy nie binne 24 uur daardie bees
na die vrou vat nie, sal ek persoonlik daardie vrou by die lokasie gaan haal
sodat sy ‘n diefstal klag teen jou maak en dan gaan ek jou arresteer.”
Hierna
het AO Letseleha, terwyl ek langs die polisievoertuig nog gestaan het, na my
kant toe gedraai met die voertuig en met ‘n vaart weggetrek. Martie Strydom het
dadelik besef wat gaan gebeur en het my net betyds weg van die polisievoertuig
geruk. Daar is geen twyfel dat AO Letseleha gepoog het om my raak te ry nie.
Ek
en Martie Strydom het toe in die motor geklim en opgemerk dat AO Letseleha net
ongeveer 40 meter vêr gery het toe hy ‘n u-draai maak en parkeer met die
polisievoertuig op die sypaadjie reg inlyn met my voertuig maar aan die ander
kant van die pad. AO Letseleha het niks gesê of gedoen nie behalwe om my stip
aan te kyk nie. Ek het toe huis toe gery.
3.
Ek wil net noem dat die betrokke bees laat die middag van 3 Desember 2015 op
mnr de Scally se eiendom was en die bees het self die eiendom verlaat. Die
oggend van 4 Desember was dieselfde bees weer op mnr de Scally se eiendom en
het weer self die eiendom verlaat. Die eienaar van die bees was op 4 Desember
by ons huis om die saak van die skade te bespreek en het voor konstabel Tshepo
Sephiri erken dat haar beeswagter nie na die beeste omgesien het nie en dat sy
bewus is dat die beeste na die dorp beweeg het. Dit was 10 dae voordat AO
Letseleha my valslik beskuldig het!!
4.
Ek was op dieselfde dag om ongeveer 18:45 by die Steynsrus polisiestasie en het
sodoende AO Letseleha se naam en rang bekom.
Ek
verwag van u om onverwyld en sonder versuim teen AO Letseleha op te tree vir
die kriminele klagtes wat ek hiermee indien.
Die
uwe
Wanda du Plessis